Cəmiyyət (23-01-2017, 15:14)
Buzovnadakı 14 saylı birləşmiş şəhər xəstəxanasından şikayət
Xəstəxananın həkimi S. Ağayev səhlənkarlıqda və rüşvət almaqda günahlandırılır.Xəzər rayon Buzovna qəsəbə sakini Əliyev Vüqar Hüseynağa oğlu tərəfindən ərizə daxil olub. Ərizəni olduğu kimi sizə təqdim edirik:
Azərbaycan Respublikasının Prezidenti cənab İlham Əliyeva
surəti-Azərbaycan Respublikasının səhiyyə naziri cənab Oqtay Şirəliyevə
surəti-Azerbaycan Respublikasının baş Prokuroru cənab Zakir Qaralova
surəti-KİV -nə Xəzər rayon Buzovna qəsəbəsi C.M.Quluzadə küçəsi ev 40 ünvanında yaşayan Əliyev Vüqar Hüseynağa oğlu tərəfindən
Ərizə
Hörmətli cənab Prezident ! Yazıb sizə bildirmək istəyirəm ki mən Əliyev Vüqar neçə illərdi ki, həkim səhlənkarlığının qurbanına çevrilmişəm. Belə ki 2012-ci ilin fevral ayında belimin aşağı nahiyəsində yaranmış problemin müayinə və müalicəsi üçün Buzovna qəsəbəsində yerləşən 14 saylı xəstəxanaya müraciət etdim. Məni xəstəxanada müalicə həkimi cərrah S. Ağayev müayinə etdi. Bildirdi ki, təcili əməliyyat olunmalıyam. Əməliyyat üçün onun özünə 600manat verməli olduğumu bildirdi. Mən xəstəlikdən əziyyət çəkdiyim üçün həmin məbləği verməyə razı oldum.Özüm işləmədiyim üçün həmin pulu qohum-əqrəbadan və dost-tanışdan borc aldım. Lakin bu əməliyyat mənə 600 manata yox , daha böyük bir məbləğə başa gəldi. Belə ki, xəstəxanada yatdığım 15 gün ərzində əlavə 1000 manata yaxın xərcim çıxdı. Çünki adi bintdən tutmuş iynə-dərmana qədər hər bir şeyi mənim özümə aldırırdılar. Mən bütün bunlara ona görə dözməyə məcbur idim ki, xəstəliyim sağalsın. Aradan dörd ildən artıq müddət keçməsinə baxmayaraq bu xəstəlikdən heç bir irəliləyiş olmadı. Belə çıxir ki, S. Ağayevin mənim üzərimdə apardığı əməliyyat pul xatirinə imiş. Mən bu gün də həmin xəstəlikdən əziyyət çəkirəm. Ancaq əlavə pulum yoxdur ki, yenidən əməliyyata gedim. Həkim S. Ağayev isə mənimlə qətiyyən maraqlanmır.
Cənab Prezident! Sizdən xahiş edirəm ki, 14 saylı xəstəxanadakı həkim özbaşınalıqlarına son qoyulmasına tədbir görəsiniz. Sizə öncədən öz təşəkkürümü bildirirəm.
17.01.2017-ci il. Əliyev Vüqar.