Fərhad Təhməzov Azərbaycan Prezidenti yanında Mənzil İnşaatı Dövlət Agentliyi yanında MİDA MMC-nin direktoru təyin edilib.

Mediatv.az-a bu barədə Dövlət Agentliyindən bildiriblər.
F.Təhməzov daha əvvəl Qaçqın və Məcburi Köçkünlərin İşləri üzrə Dövlət Komitəsi yanında Məcburi Köçkünlərin Sosial İnkişafı Fondunun direktoru vəzifəsini tutub.
“MİDA” MMC Azərbaycan Respublikasında çoxmənzilli yaşayış binalarının tikintisinə rəvac vermək, Azərbaycan Respublikası vətəndaşlarının güzəştlə mənzillər əldə etmələrinə şərait yaratmaq, çoxmənzilli yaşayış binalarının tikintisi üçün ayrılan maliyyə vəsaitlərindən səmərəli istifadə edilməsini təşkil və təmin etmək məqsədi ilə yaradılmışdır. “MİDA” MMC-nin nizamnamə kapitalı 10 milyon manatdır.