ABŞ son dəfə 2011-ci ildə Beynəlxalq Fəza Stansiyasına astronavtları öz fəza gəmisi ilə göndərdikdən sonra yeni astronavtların göndərilməsi Rusiya fəza gəmisi ilə həyata keçirilməyə başlandı.

Mediatv.az:  Lakin bu, bir neçə ilə dəyişə bilər. Belə ki, NASA və bir neçə özəl fəza şirkəti təkmilləşdirilmiş kapsul inkişaf etdriməyə səy göstərirlər.

4.2 miliyard dollar dəyərində olan Boeing CST-100 Starliner layihəsi 2017-ci ildən başlayaraq astronavtarı Beynəlxalq Fəza Stansiyasına daşıyacaq.

Boeing və digər ABŞ fəza gəmisi istehsalçısı Space X bildirir ki, onlar astronavtları Rusiya fəza gəmisi Soyuzdan 20 miliyon dollar ucuz apara biləcək.

Layihənin başa çatmasına az vaxt qaldığı üçün astronavtlar artıq Boeingin istifadəyə verdiyi uçuş simulyatorlarında təlimdən keçir.

Bildirilir ki, bu, iki fərqli simulatordan biridir. Və əsasən sistemi və pilot kabinəsini başa düşməyə və komanda üzvlərini gəminin içərisində necə davranacağına kömək edəcək.

Fəza gəmisinin dizaynı və idarəsi əvvəlkindən fərqlidir. Yüzlərlə düymə yerinə astronavtlar həssas ekrana toxunma və idarəetmə ilə uçacaqlar.

Mütəxəssislər deyirlər ki, bu, avtomobili sürməyi öyrənmək kimidir: “Sadəcə burada fəza gəmisini sürməyi öyrənirsiz.”

Bununla yanaşı, NASA fəza gəmisi Orion-u təkmilləşdirərək yeni güclü Space Launch Systemi raketini qurub. Təşkilat qısa uçuşları özəl şirkətlərə həvalə edib, fikrini daha uzaq məsafələrə-insanın Marsa uçması kimi layihələrə cəmləşdirməyi planlaşdırır (“Amerikanın səsi”).