Bakı Şəhər İcra Hakimiyyəti, QMİ, məscid özü də bu təklifi dəstəkləyir

“Heydər” məscidinin nəzdində mədrəsənin fəaliyyətə başlaması ilə bağlı təkliflər vermişik və hazırda bu təkliflərə baxılır”.
Mediatv.az xəbər verir ki, bunu “Report”a açıqlamasında Dini Qurumlarla İş üzrə Dövlət Komitəsinin sədri Mübariz Qurbanlı deyib.
O bildirib ki, Azərbaycanda ölkənin daxilində təhsil alan milli dini kadrların hazırlığına çox böyük diqqət yetirilir: “Çünki bu cür kadrların hazırlanması gələcəkdə məscidlərimizin idarəçiliyi üçün çox vacibdir”.
Milli dini kadrların hazırlığı məqsədilə Bakı İslam Universitetinin, bir neçə mədrəsənin fəaliyyət göstərdiyini xatırladan komitə sədri bildirib ki, “Heydər” məscdinin nəzdində də mədrəsə olmalıdır: “”Heydər” məscidinin nəzdində də bir mədrəsə fəaliyyət göstərməlidir ki, orada ildə təxminən 20 nəfər İslam elmini öyrənməklə məşğul olsunlar. Hesab edirəm ki, məscidin nəzdində belə bir mədrəsə fəaliyyət göstərərsə milli kadrların hazırlığında, xüsusilə, islami dəyərlərin öyrədilməsi baxımından çox əhəmiyyətli rol oynaya bilər.
Belə bir təklif vermişik baxılır və inşalllah ki, müsbət həll olunur. “Heydər” məscidi ilə danışmışıq, Bakı Şəhər İcra Hakimiyyəti bu işə müsbət yanaşır, Qafqaz Müsəlmanları İdarəsi də dəstək verir. Hazırda bu istiqamətdə iş aparılır. Amma nə zaman reallaşacağı barədə dəqiq tarix deyə bilmərəm”.