“Azərbaycan” Nəşriyyatının qarşısında avtomobillərin parkinqi qadağan olundu

   Avtomobillərin parkinq qadağası Mətbuat pr. 529 a ünvanına- “Azərbaycan” Nəşriyyatına da çatdı. Dünəndən nəşriyyatın qarşısına parkinqi qadağan edən müvafiq işarə qoyulub. Bakı Şəhər Dövlət Yol Polisi İdarəsinin (BŞDYPİ) bu yeniliyi avtomobillərin parkinqində zatən problem yaşayan jurnalistlər üçün əsl sürpriz oldu. Bundan sonra jurnalistlər üçün iki variant var: ya işə maşınsız gəlməli, ya da hər gün 40 manat cərimə ödəməlidir...

Mütəxəssislərə görə yol hərəkətində digər qaydalar kimi, parkinqin qadağası da əsaslandırılmış və ölçülü-biçili olmalıdır. Təəssüf ki, indiki halda yol polisinin jurnalistlərə “sataşması” nə əsaslandırılmış, nə də ölçülü-biçili görünmür. Nəyi isə qadağan etməkdən öncə, yenisini təklif etmək lazımdır. Yaxınlıqda avtomobil parkinqi yoxdur. Jurnalistlərin isə nə işə maşınsız gəlməsi, nə də hər gün 40 manatından keçməsi mümkün deyil.

Məsələ ilə bağlı BDYPİ-ndən xeberinfo.com-a danışacaq bir kimsə tapa bilmədik.

Xeberinfo.com