Yevlax rayonunun Qaramanlı kəndində Süleyman Salmanovun təsərrüfatında anormal doğulan buzov qayğı ilə bəslənir. Onlar deyirlər ki, altı ay əvvəl bəslədikləri inək əkiz buzovlar doğub. Onlardan biri normal olub. 
Digərinin iki arxa və bir qabaq ayağı  inkişaf etməyib. Mediatv.az El TV-yə ( Region Tv) istinadən xəbər verir ki, buzov indi də südlə qidalanır.
Baytar həkimlər bildirirlər ki, bu hal buzovun ana bətnində inkişafı dövründə baş verən genetik pozğunluqla əlaqədardır. Təsərrüfat sahibləri isə çətin də olsa, buzovu böyütmək niyyətindədirlər.