R.Ataşova təxminən 9 il öncə, Apellyasiya Məhkəməsində çalışarkən «Azadlıq» qəzetinin, «Turan» informasiya agentliyinin, Xalq Cəbhəsi Partiyasının və daha bir neçə qurumun Xaqani, 33 ünvanında yerləşən binadan çıxarılmaları barədə 1 saylı İqtisad Məhkəməsinin 2006-cı il noyabrın 24-də qəbul etdiyi qərarı qüvvədə saxlayıb.

Hakim Raziyə Ataşova ilə bağlı daha bir məqamı da "Yeni Müsavat" qəzetinin müxbiri sosial şəbəkədə paylaşıb: "R.Ataşova deyir ki, döyülən qız ona döyülmədiyini bildirib. Xətai Məhkəməsinin bu hakimi qorxaq və prinsipsiz biridir. Bir neçə il əvvəl körpə oğlumu bağçadan qovan müdirəyə qarşı iddiama da o, baxmışdı. Əsassız olaraq da iddiamı təmin etmədi".