“Deyilənlər doğrudur. Bizim gimnaziyada ibtidai siniflər ləğv olunacaq. Amma bu hazırda ibtidai siniflərdə təhsil alan uşaqlara şamil edilmir. Proses tədricən olacaq. Gələn ildən 1-ci sinfə gimnaziyada qəbul olmayacaq. 3 ilə ibtidai siniflər tamamilə yığışdırılacaq. Sadəcə bu ildən nazirlik birinci sinfə şagird qəbulu ləğv etmək istəyir. Amma bu da təsdiqlənmiş qərar deyil. May, iyun ayını gözləyək, nəticəni onda görəcəyik. Tədris ilinin ortasında heç nə başlamır. Gərək bunun üçün yeni dərs ili başlaya. Hələ heç bir şey yoxdur”. 

Qeyd edək ki, “Qafqazinfo” saytının yaydığı məlumata görə, təhsil naziri Mikayıl Cabbarovun əmri ilə Nərimanov rayonunda yerləşən Pişəvəri adına Humanitar Fənlər Gimnaziyası ləğv edilib.