“2014-2015-ci tədris ilində I sinfə qəbul olunacaq şagirdlərin sayı üzrə proqnoz 138 min nəfərdir”. Bu barədə modern.az-ın sorğusuna cavab olaraq Təhsil Nazirliyindən bildiriblər. Məlumata görə, növbəti tədris ili üçün artıq bütün ümumi təhsil məktəblərində I sinfə qəbul həyata keçirilir: “Bütün ümumi təhsil məktəblərində I sinfə qəbul həyata keçirilir. Lisey və gimnaziyalara qəbul onların nizamnamələrinə uyğun aparılır”.

“I sinfə qəbulla bağlı valideynin ərizəsi müvafiq dərs ilinin ikinci yarımilindən başlayıb və növbəti dərs ili başlananadək məktəbdə qeydiyyata alınacaq”, – deyə nazirlikdən vurğulayıblar.