Biləsuvar rayonu ərazisində Vətən müharibəsində Şəhid olanların xatirəsinin əbədiləşdirilməsi üçün lazım olan bütün tədbirlər görülür. “Report”un Muğan bürosu xəbər verir ki, bu məqsədlə rayonunun Təzəkənd kəndində Şəhidlər kompleksi yaradılıb. Kompleksdə kəndin 6 şəhidinin xatirəsi əbədiləşdirilib.

Burada həmin şəhidlər haqqında məlumat lövhələri quraşdırılıb. Eyni zamanda bulaq da inşa edilib.

Qeyd edək ki, I Qarabağ savaşında bu kənd 4 şəhid verib - Tacəddin Quliyev, Şirinov Ruslan, Manafov Fərqan, Bayramov Əlizadə. Vətən müharibəsində isə kənd 2 şəhid verib - Amid İsmayılov, Əhmədli Elməddin.