Ana səhifə Araşdırma Aktual Problem Siyasət Gündəm Sağlamlıq İqtisadiyyat Dünya Sosial Mədəniyyət Təhsil İdman Region Cəmiyyət Hadisə

Aktual (15-11-2021, 19:49)
Bakıda MTK-nın şok qanunsuzluğu

Bakıda MTK-nın şok qanunsuzluğu:
“Yeni Bakı” Yaşayış Kompleksinin sakinləri ciddi problemlə üzləşiblər. Onlar uzun müddət “Yeni Bakı” şirkətinə su pulu ödəsələr də sonradan bəlli olub ki, yaşayış kompleksinin 250 min manatdan artıq yığılmış borcu var və bu, günü-gündən artır. Səbəb isə odur ki, şirkət pulları “Azərsu”ya ödəmir.

Məsələni "Azərsu" ASC-nin ictimaiyyətlə əlaqələr üzrə rəhbəri Anar Cəbrayıllı Musavat.com-a açıqlamasında təsdiq edib. Onun sözlərinə görə, “Yeni Bakı” Yaşayış Kompleksində su anbarı tikilməyib və bütün mənzillər sayğacla təmin edilməyib. Bundan başqa, orada çoxlu neqativ amillər var və vətəndaşlarla şirkət arasında mübahisə yaşanır: “Yeni Bakı” Yaşayış Kompleksinin “Azərsu” Açıq Səhmdar Cəmiyyətinə 250 min manatdan artıq borcu var. Son bir neçə ayda artıq demək olar ki, ödəniş etmirlər. Onları biz dəfələrlə “Azərsu”ya dəvət etmişik, rəhbərlikləri ilə görüş keçirilib. Söhbətlərdə bu çatışmazlıqların aradan qaldırılması ilə bağlı onlara tövsiyələr verilib ki, bütün mənzillərə sayğaclar quraşdırılsın və bundan sonra “Azərsu” ASC gəlib, hər bir abonentə fərdi kod açacaq. Bu gün orada abonentlərin kodu yoxdur.

Abonentlər işlətdikləri suyun puluna görə həmin MTK-ya ödəniş edirlər, onlar da bizə ödəniş edir. Amma təəssüf ki, son bir neçə aydır ödəniş olunmur. Artıq onlara məlumat verilib, görüşlər davam etdirilir ki, məsələ öz həllini tapsın. Çünki 250 mindən artıq vəsait çox böyük bir məbləğdir. Ona görə bu istiqamətdə işlər aparılır ki, hər bir sakinin fərdi kodu olsun və onlar birbaşa “Azərsu” ASC-yə ödəniş etsinlər. Hazırda orada MTK ilə vətəndaşlar arasında narazılıq var. Onların sosial şəbəkədəki hesablarında biz daim bunu görürük. Biz maraqlandıq ki, orada vətəndaşlar hələ də komendantlara ödəniş edir. Onlar isə “Azərsu”ya pul ödəmək istəmirlər. Mübahisə də bununla bağlıdır”.

Qeyd edək ki, Anar Cəbrayıllı vətəndaşları MTK-ya su pulu ödəməməyə çağırıb.
шаблоны для dle 11.2

Xəbər lenti
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
28 03 2024
27 03 2024
27 03 2024
27 03 2024
27 03 2024
27 03 2024
27 03 2024
27 03 2024
27 03 2024