“Müasir təhsil sistemi fərdi təhsil verə bilir, ancaq bütöv sinifə təhsil verə bilmir. Ənənəvi təhsil sistemində sinfə ayrı-ayrı öyrəncilərin mexaniki cəmi kimi baxılır. Bu qüsurlu yanaşma aparıcıdır. Sinifə bir-biri ilə üzvi ələqədə olan canlı orqanizm kimi baxmaq lazımdır. Bu, faydalı baxışdır. Öyrəncilər təhsil prosesinin obyektidir. Sinif isə birgə tədris məkanıdır. Sinifə bütöv orqanizm kimi baxılarsa, təhsilin keyfiyyətini xeyli yüksəltmək mümkündür. Tək-tək fərdlərin əlaçı, olimpiada çepionu olması, ya qızil medal alması, ya konkurs qalibi olmasının fərdi əhəmiyyəti var, ancaq ictimai əhəmiyyətli azdır. Bütöv sinifin təhsil parametrlərinin yüksək olması milli və dövləti əhəmiyyət kəsb edir. Məktəbin əsas borcu bütöv sinifi öyrətməyi bacarmaqdır”.

Mediatv.az xəbər verir ki, bu fikirləri Bakupost.az -a açıqlamasında Əməkdar elm xadimi, professor Şahlar Əsgərov deyib.
Onun sözlərinə görə, dərs prosesində sinifi aktiv və passiv olmaqla xəyalən iki yerə bölmək olar. Tədris materialını mənimsəyə bilənlər və bilməyənlər:
"Başqa sözlə, təhsil səviyyəsi orta səviyyədən yuxarıda və aşağıda olanlar. Təəssüf ki, müəllim ancaq sinifin aktiv hissəsi ilə işləyir. Passiv tələbələrin varlığı müəllimi narahat etmir. Heç ondan bunu tələb edən də yoxdur. Bu, müasir təhsil sisteminin ən böyük qüsurudur".
Professor qeyd edib ki, məktəblər bütöv sinifə dərs deməyi bacarsa repetitorluğun kökünü kəsə bilərlər: "Bu qüsurun açarı Təhsil Nazirliyinin əlindədir. Əks halda ölkəni bürüyən repetitorluq kütləvi təhsili məhv edəcəkdir”.шаблоны для dle 11.2