Bu gün “Musavat.com” saytı “Bayram-M” şirkəti və şirkətin təsisçisi, iş dünyasında Hacı Mazan kimi tanınan, eyni zamanda Qafqaz Müsəlmanları İdarəsinin sədri Allahşükür Paşazadənin yaxın qohumu Ramazan Zeynalovla bağlı məlumat yayıb.

Vətəninfo.az-a Hacı Mazan haqqında səslənən fikirlərlə bağlı bildirdi ki, yazılanların heç bir əsası yoxdur və məlumatı yayanlar qoy qeyd etdiklərini sübut etsinlər: “Bunlar yazırlar ki, guya şirkət oğlumun adınadı, heç oğlumun xəbəri belə yoxdu şirkət nədi, firma nədi. Artıq vəkilimi çağırmışdım və oturub məsləhtləşdik. Mənimlə bağlı bu tip yalan xəbərlərin davam edəcəyi təqdirdə məhkəməyə müraciət edəcəm”.

Hacı Mazan yayılan məlumatlarda Qafqaz Müsəlmanları İdarəsinin sədri Allahşükür Paşazadənin qohumu olması ilə bağlı cümlənin xüsusi vurğulanmasına da münasibət bildirdi: “Qafqaz Müsəlmanları İdarəsinin sədri Allahşükür Paşazadənin yaxın qohumu olmaq günahmıdır? Şeyx həzrətləri ağsaqqaldır. Yəqin onların da nəsillərində ağsaqqallar var. Belə şeylər yazana nə deyəsən...”.