Bakı Nəqliyyat Agentliyindən növbəti pul tələsi - Dərəbəylik...

Ana səhifə Bizimlə əlaqə

Şirvanda 13 hektar ərazi başçı tərəfindən zəbt edilib - Qazinin əli ilə...

Rüşvətlə xidmət yeri dəyişdirən “Dayı” - Hakim qarşısında

70 kiloqram qızılla tutulan diplomat sabiq komitə sədrinin qardaşıdır

Sabiq deputat borcları qaytarmaq üçün çabalayır

ARB-nin 5 mərtəbəli studiya binası hansı məmura məxsusdur

Deputat əmisi qızını işdən çıxarıb yerinə öz xanımını təyin etdi

Elman Rüstəmov bütün Azərbaycan vətəndaşlarına qarşı

Ölkədən gizli şəkildə 17 milyonluq metal çıxarıblar

Zaur Mikayılovun bu "kontor"unda dövlət əmlakı talan edilir

Sosial / Karusel (21-08-2019, 13:42)
Bakı Nəqliyyat Agentliyindən növbəti pul tələsi - Dərəbəylik...

BP şirkətindən aldığı məvacibi sərmayə şəklində istifadə edərək, market açıb. Bir neçə nəfər işçi çalışdırır, vergi ödəyir və s.

Ancaq, bunlar ixtiyar verirmi dövlətə məxsus yolu zəbt etməyə, el dili ilə desək, el yolunu bağlamağa?

BNA ilə qanunsuz əlaqəyə girərək, adamları qanunsuz olaraq haqqlarına toxunub, əziyyətlə üz-üə qoymağa və nəhayət, kobud desək, camaatın cibinə girməyə?

PİA.az xəbər verir ki, bununla bağlı 30-a yaxın adam şikayətçidir. Həm də son zamanlar əksəriyyətin narazı olduğu, şikayətçi olduğu BNA-dan. Dəfələrlə tanınmış adamlar da bu idarənin yollarda qanunsuz yaratdığı maneədən öz nəsibini almış, şikayətlərini dilə gətirmişdilər. Lakin, hər dəfə BNA rəsmiləri, bəhanə gətirib, qarşıdakını haqsiz çıxarmağa çalışıblar. Narazıları sadalamaq fikrim yoxdur. Ona görə də keçid alım mətləbə.

Ceyhunbəy Hacıbəyli küçəsinin sakinlərinin deməsinə görə bir səhər telefonlarına gələn cərimə mesajları ilə narahat oyanıblar. Bundan sonra bu cərimələr qısa müddətdə bütün məhlə sakinlərinə, həm də bir neçə dəfə gəlib. Kiçik araşdırmanın ardından məlum olub ki, 30 ilə yaxın hər gecə avtomobil saxladıqları yerə dayanma-durma qadağandır nişanı və geniş ərazini görüntüləyə bilən kamera quraşdırılıb. Bu faktın nə dərəcədə dəqiq olduğu müəyyən edilə bilməsə də sakinlərə görə bu vəziyyəti məhlədə market açan, sürücülərin marketi olduğu ərazidə maşın əyləməsini istəməyən, buna görə də sakinlərlə daim mübahisəsi düşən Elgiz adlı şəxs BNA ilə razılaşdırıb. Həm də BNA-nı "babat görərək". Elgiz bəy, marketin qarşısına, yolun hərəkət hissəsinə maşınların durmasını əngəlləyə biləcək vasitələr də düzüb, hətta.

Deyilənə görə, Bu o Elgiz bəydir ki, marketinin qarşısına yığılan gənclərə hirslənən kimi, şəxsi əlaqələrindən istifadə edərək, istədiyi vaxt onları polis bölməsinə apartdırıb, qulaqburması verdirir. Belə əliuzun adamın BNAya əl uzatması, onları qadağan nişanı və kamera quraşdırmağa razı salması təəccüblü deyil. Bu razılaşma ilə BNAnı sanki, "Eşşək vurub, cənnətə salıb!" Həm pul qazanacaq, həm də bunun ondan xahiş-minnətlə, Allah bilir hansı vasitə ilə istəyirlər. Sakinlərin əziyyəti, avtomobillərini harada saxlayacaqları məsələsi nəyinə lazımdır BNAnın?! Təki pul gəlsin! Onsuz da son zamanlar hər kəsə məlumdur ki, bu qurumun işi mümkün ola bilən hər yerə qadağan nişanı qoyub, kamera quraşdırıb, pul yığmaqdan ibarətdir. Şəhər rəsmən zəbt edilərək, şəhər sakinlərinə haram buyurulub bu qurumun sayəsində!

Məsələ ilə əlaqədar qurumun mətbuat xidmətinin əməkdaşı Mais müəllimlə əlaqə yaratdım. Insafən deyim ki, Mais müəllimlə rabitə əlaqəsi çətin deyil. Nəticə olmasa da, hər dəfə zəngi cavablandırıb, məsələni araşdıracaqlarina, kömək edəcəklərinə söz verib. Ancaq, çifayda! Nə gələn var, nə gedən, nə də məsələ həll edən. Maliyyə terroru isə davam edir. Hər gün adamların cibindən pullar uçub, BNAnın xəzinəsinə qonur. Həm də təkcə küçə sakinlərinin yox, həm də marketə gələn müştərilərin, küçə sakinlərinə qonaq gələn sürücülərin də ciblərindən! Kimin ağlına gələr ki, otuz il gəlib-getdiyi, heç bir qadağa olmadığı, yaraşmadığı küçədə BNA xəlvəti "tələ qurub!"?! Bizə isə, gözləmək düşür! Gözləyək!..