Sabunçu Rayon İcra Hakimiyyətinin başçısının I müavini Şakir Alıyev işdən çıxarılıb. 

"Yeni Müsavat”a daxil olan məlumata görə başçı müavinin işdən çıxarılması rayon ərazisində icra hakimiyyəti rəhbərliyi və ona yaxın şəxslərin tikinti aparılmasına əngəllər yaratması, tikinti icazəsi üçün rüşvət tələb etmələri haqda Prezident Adminstrasiyasına ünvanlanan çoxsaylı  şikayətlərdən sonra baş tutub. Bundan əlavə rayon ərazisindəki söküntü tikinti işləri ilə bağlı Sabunçu Rayon İcra Hakimiyyətində yoxlama aparılacağı haqda da məlumat var. Bildirlir ki, Ş.Alıyevdən sonra tikinti işlərinə baxan Rəfael Məmmədov və Şövqü adlı işçilər də işdən çıxarıblar. 

Sabunçu Rayon İcra Hakimiyyətindən məlumatın yalnış olduğunu bildiriblər.

 Qeyd ediblər ki, Şakir Alıyev və Rəfael Məmmədov öz ərizələrinə əsasən tutduqları vəzifədən azad ediliblər. Digər əməkdaş isə hazırda fəaliyyətini davam etdirir.