Nazirliyin yeni yaradılan qəbulu mərkəzində xüsusi hazırlanan proqramla bütün şikayətlər və sorğular qeydiyyata alınıb şöbələr göndərilir

Təhsil Nazirliyindən yeni xidmət. Nazirlikdə Telefon Məlumat Mərkəzinin (Qaynar xətt) və Vətəndaşların Qəbulu Mərkəzinin açılış mərasimi olub. Təhsil Nazirliyinin Vətəndaşların Qəbulu Mərkəzinin müdiri Yaşar Zeynalov mərkəzdə beynəlxalq standartlara uyğun texnologiyalar qurulduğunu bildirib. Mərkəzdə olan bütün xidmətlər pulsuzdur. Xüsusi hazırlanan bir proqramla bütün şikayətlər və sorğular qeydiyyata alınır və şöbələr göndərilir.

"Təhsil Nazirliyinə anonim zəng edənlərin şikayətinə baxılmayacaq. Ümumiyyətlə nazirliyə anonim formada zəng etmək mümkün olmayacaq. İnsanlar mümkün qədər özlərini təqdim etməlidirlər ki, biz də onların şikayətlərinə araşdıraq. Anonim zəng edən bəlkə yalnış informasiya verir, kiməsə böhtan atır. İnsanlar öz şikayətlərini ya 146 nömrəsinə zəng vurmaqla ya da, Vətəndaşların Qəbulu Mərkəzinə gələrək qeydiyyatdan keçə bilərlər".

Vətəndaşların qəbulu mərkəzi Azərbaycan, rus və ingilis dillərində, həftənin 5 günü fəaliyyət göstərəcək.