Qanunvericiliyin tələblərinə uyğun olaraq İntizam Komissiyasının hazırladığı rəy Naxçıvan Muxtar Respublikasının Mərkəzi Seçki Komissiyasına təqdim edilib. Mərkəzi Seçki Komissiyası tərəfindən dekabrın 11-də Əli Abbasovun deputat mandatından məhrum edilməsi haqqında qərar qəbul olunub.

Mediatv.az  Globalinfo.az-a danışan siyasi şərhçi Heydər Oğuz Naxçıvan Muxtar Respublikasının Mərkəzi Seçki Komissiyasının bu qərarı özbaşına almadığını bildirib:

“Mandatdan məhrum olunan Əli Abbasov ötən yay Şərur rayonunda zorla bir qadının evinə girib onunla əxlaqsız münasibətlər qurmağa cəhd etmişdi.

Onun bu hərəkəti dövrü mətbuatda da dərc olunmuş və xeyli mübahisələrə yol açmışdı. Sözsüz ki, mövcud xarakterli adamın bir dəqiqə belə deputat mandatı daşıması doğru deyildi. Amma bundan əvvəlki Naxçıvan rəhbəri, Prezidentin xüsusi nümayəndəsi Fuad Nəcəfli bu adamı qoruyur, onun barəsində ölçü götürülməsinə imkan vermirdi. Nəticədə Naxçıvanda bir çox insan əxlaqsızlığa himayədarlıq edən Fuad Nəcəfli barədə xoş fikirlər söyləmir, bütünlükdə Azərbaycan hakimiyyətinin adına xələl gəlirdi. Görünür, yeni nümayəndə bu tendensiyanın qarşısını almaq üçün Əli Abbasovun mandatına xitam verməyi daha məqsədəuyğun bilib”.

Heydər Oğuzun fikrincə, nəinki Naxçıvanda, bütövlüklə Azərbaycanda, bəlkə də dünyada əxlaqsızlığa görə mandatdan məhrum olunmaq ilk hadisədir:

“Naxçıvan MR Ali Məclisi bu mənada Ginnesin “Rekordlar” kitabına düşə bilər. Üstəlik, Fuad Nəcəfli komandasında məişət əxlaqsızlığına görə cəzalandırılan ilk məmur Əli Abbasov da deyil. Bundan əvvəl Şahbuz rayonunun İcra Hakimiyyətində yüksək vəzifədə işləyən bir məmur qonşusunun yoldaşına əxlaqsız təkliflər etdiyi üçün xanımın yoldaşı tərəfindən qulağı kəsilmişdi”.