"Rəngarəng" verilişində Vəfa Şərifova həyat yoldaşının keçmişdə Şəbnəmə mahnı hədiyyə etdiyini deyib. Bundan sonra Şəbnəm Tovuzlu canlı yayıma zəng edərək ağlayıb və Vəfanı hədələyib:

"Hər dəfə deyirəm ki, mənim adımı onunla birlikdə çəkmə. Mahnını kim oxuyur, halalı olsun. Orada böyük bir səhv etdi, Allahdan qorx. Ayıbdır... O mahnını mən 300 dollara halal qazancımla almışam. Çox böyük səhvə yol verdi, Allahdan qorxsun. Əsəbimdən ağlayıram. İndi ATV-nin həyətinə gəlirəm, çıxanda onunla görüşəcəyəm. Olmaz... "Həyat yoldaşım alıb" nə deməkdir? Efirdə nəyi sübut etmək istəyirsən, Vəfa? Sənə nə etmişəm? Niyə bu qədər ilanlıq edirsən? Sənə nə olub, dərdin nədir? Niyə o kəliməni işlədirsən? İndi həyat yoldaşım, balalarım var. Niyə belə sözlər deyirsən? Niyə deyirsən ki, mənim həyat yoldaşım alıb? O vaxt o mahnını məndən istədin, dedim, halal xoşun olsun. Bu efir söhbəti deyil, ayıbdır. Sən də bir anasan".

Vəfa isə "Heç nə üçün sübut lazım deyil. Həyatında olan adam sənin keçmişini bilir" deyə, ona cavab verib.