Nə icra hakimiyyəti, nə də bələdiyyə torpaq dəllalı ilə bacarmır
Laçından olan keçmiş məcburi köçkün Kamal Məmişov Abşeron torpaqlarına qənim kəsilib. Bu şəxs 30 ildir ki, rayon torpaqlarını dədə-baba mülkü kimi zəbr edərək satmaqda, milyonlar qazanmaqdadır. Bunu Mediatv.az-ın elektron poçtun Sabir Məmmədov adlı şəxsin "email"indən daxil olmuş məqalədə deyilir.Məqalədə daha sonra bildirilir:
Hektarlarla torpaq sahəsinə əl qoyan Kamal adlı torpaq dəallalı, həmin torpaqları 2-3 sotluq hissələrə bölərək üzərində evlər tikir, sonra bu evlərin hər birini 60-70 min manata satır. Kamal Məmişovun bu torpaqlar üzərində çoxlu sayda fermaları, ictimai iaşə obyektləri, yardımçı təsərrüfatları var.
Torpaq dəllalının həyata keçiridyi zəbtlər nəticəsində ərazidə təsərrüfatla məşğul olan şəxslər otlaq sahələrindən məhrum olublar. Kamal Məmişovun qanunsuz hərəkətləri barədə dəfələrlə əlaqədar qurumlara müraciət olunsa da, nə icra hakimiyyəti, nə də bələdiyyə bu şəxslə bacarmır. Aidiyyati qurumların bacarıqsızlığı Kamal Məmişovun əl-qolunu açmaqda, onu yeni ərazilərin zəbtinə həvəsləndirməkdədir. Bir çox hallarda yol və səkiləri də zəbt edən bu şəxs, hazırda Laçın rayonunda da böyük təsərrüfata sahib olmaqdadır. Sahib olduğu nəhəng daşınmaz əmlaka görə dövlətə bir qəpik də olsun vergi verməyən torpaq dəallalı, özünü Abşeron rayonunun ağası kimi aparır.
Abşeron sakinləri olaraq əlaqədar qurumlar bu şəxsin sahib olduğu nəhəng əmlakın mənbəyinin araşdırılmasını, zəbt edilən torpaqlaırn dövlət balansına qaytarılmasının təmin edilməsini xahiş edirik. Həmçinin, xahiş edirik ki, ona bu məsələdə dəstək verən vəzifəli şəxslər, öz işinin öhdəsindən gələ bilməyən yetkililər də qanun qarşısında cavab versinlər. шаблоны для dle 11.2