Keçmiş deputat, Gəncə Avtomobil Zavodunun direktoru Xanlar Fətiyevin qardaşı Elruz Fətiyev ABŞ-a mühacirət edib. Bu haqda araşdırmaçı jurnalist Cavanşir Həsənli özünün fb səhifəsində yazıb: Elruz Fətiyev deputat Asim Mollazadənin qızı Ayna Mollazadə ilə ailəlidir. Cütlük 2021-ci ilin dekabrında Virciniya ştatının Aleksandra şəhərində ipoteka yolu ilə mənzil alıb. Mənzilin dəyəri 160 min dollardır. Lakin onlar ötən müddətdən ştatın başqa bir şəhərində Fairfax-dakı mənzillərin birində qeydiyyatdadırlar. Mənzil 2020-ci ildə 429 min dollara alınıb, hazırki bazar qiyməti 532 min dollar dəyərinddir. Kimin tərəfindən aldığı bəlli deyil.
Elnur Fətiyevin rəhbəri olduğu "Peachlinr" MMC 2020-ci ildə Azərbaycan Milli Antidopinq Agentliyi (AMADA) tərəfindən keçirilən tender müsabiqəsinin qalibi olub. Elə həmin il "Gənclər Fondu”nun 286 min manatlıq tenderini "qazanıb".
Deputat Xanlar Fətiyev ötən çağırışda Milli Məclisin Azərbaycan-Avstraliya parlamentlərarası komitəsinin rəhbəri olub. Avstraliya senatında məlum rüşvət qalmaqalından sonra növbəti seçkidən kənarda qalmışdı. Hazırda isə bu vəzifəyə onun qardaşının qaynatası Asim bəy rəhbərlik edir.