Vitamed Tibb Mərkəzi barəsində inzibati iş başlanıb. 
Valyuta.az xəbər verir ki, Mərkəz İnzibati Xətalar Məcəlləsinin 215.1-ci (Tibb fəaliyyəti ilə məşğul olan şəxslər tərəfindən dövlət tibb müəssisələrinin nizamnamələrində və ya özəl tibb fəaliyyəti sahəsində onlara verilmiş lisenziyada göstərilən işlərdən və xidmətlərdən kənar tibb fəaliyyətinin həyata keçirilməsi) maddəsi ilə ittiham olunur.
İş baxılması üçün Sabunçu Rayon Məhkəməsinə göndərilib.
215.1-ci maddəyə əsasən, fiziki şəxslər 300 manatdan 500 manatadək məbləğdə, vəzifəli şəxslər 800 manatdan 1000manatadək məbləğdə, hüquqi şəxslər isə 6000 manatdan 8000 manatadək məbləğdə cərimə edilir.
Vitamed Tibb Mərkəzi 23 yanvar 2013-cü ildə qeydiyyata alınıb. Nizamnamə kapitalı 1 671 768 AZN-dir. Mərkəzin qanuni təmsilçisi Eyvazova Sevil Zəkəryayevnadır.
Sevil Eyvazova həm də Vitamed Tibb Mərkəzinin direktorudur. шаблоны для dle 11.2