FHN-nin sabiq əməkdaşı Bayramov Rəşad  Kamil  oğlu tərəfindən Azərbaycan   Respublikasının Prezidenti İlham Əliyev cənablarına, Azərbaycan  Respublikasının I-ci Vitse  Prezidenti  Mehriban  xanım Əliyevaya, Azərbaycan Respublikasının  Fövqalədə  Hallar   Naziri cənab Kəmaləddin Heydərova müraciət ünvanlanıb.Bir nüxsəsi də Mediatv.az-ın redaksiyasına daxil olan müraciətdə deyilir:
  Cənab Ali Baş Komandan!
Yazıb Sizə bildirirəm ki,1984-cü ildə Cəlilabad rayonunda anadan olmuşam. 2001-ci ildə Cəlilabad rayon 8 saylı  tam orta məktəbini əla və yaxşı qiymətlərlə bitirmişəm.Elə həmin il Bakı Yanğın Təhlükəsizliyi orta-ixtisas təhsil müəssiəsinə daxil olmuşam. 2003-cü ildə həmin məktəbi bitirdikdən sonra, Biləsuvar rayonunda yerləşən  Yanğın Nəzarəti  Xidmətinə  inspektor  vəzifəsinə qəbul  olunmuşam. 2006-ci ildə cənab Nazir Kəmaləddin Heydərovun əmri ilə Bakı  şəhəri, Əzizbəyov rayonu DYN xidmətində inspektor  vəzifəsinə təyinat almışam. 2008-ci ildə ailə  vəziyyətimlə əlaqədar olaraq kapitan rütbəsində, öz ərizəmlə işdən azad olunmuşam. İşlədiyim müddətdə nümunəvi işimə görə, dəfələrlə mükafatlandırılmışam,heç bir xidməti cəza almamışam.
 Cənab Ali Baş Komandan!
Yenidən işə bərpa olunmaq üçün, dəfələrlə FHN-i hörmətli  Kəmaləddin Heydərova müraciət  etmişəm.  Kəmaləddin müəllimin humanist və belə işlərə obyektiv yanaşdığına inanıram. Mənə elə gəlir ki,müraciətim cənab nazirə  çatdırılmır.
Sizdən, FHN-də  işimə  bərpa olunub,  xidmətimi davam etdirmək  üçün cənab Nazirə  göstəriş verməyinizi  xahiş edirəm.
шаблоны для dle 11.2