Şəki şəhəri Əzizbəyov küçəsi 6/7A ünvanında yaşayan Mustafayev Yusif Nəsif oğlu tərəfindən Fövqəladə Hallar Naziri Kəmaləddin Heydərova müraciət ünvanlanıb. Bir nüsxəsi də DİA.AZ-a daxil olan müraciətdə deyilir:

"Hörmətli cənab Nazir !
Sizin xeyrxah, dövlətimizi,xalqımızı qəlbən sevən dəyərli Rəhbər olduğunuzu bildiyim üçün Sizin ünvanınıza bir neçə dəfə elektron poçt vasitəsilə müraciət etməyimə baxmayaraq heç bir nəticəsi olmamış, cavab da verilmədi. Müraciətimdən sizin məlumatınız olsaydı, obyektiv qaydada həll olunardı! Odur ki, məcburiyyət qarşısında qalaraq KİV vasitəsilə sizə müraciət edirəm.

Mən, 2012-2019 — cu illər ərzində FHN-nin Tikintidə Təhlükəsizliyə Nəzarət Dövlət Agentliyi Azərdövlət Layihə İnstitutunun işçisi olmuşam və Qəbələ Regional Tikinti Müfəttiişliyində sürücü vəzifəsində işləmişəm. İşlədiyim dövr ərzində rəhbərlikdən həmişə razı olmuşam. 2019-cu ilin yanvar ayında böyük ailə başçısı olmağıma və həyat yoldaşım II qrup əlil olmasına baxmayaraq ixtisara düşmüşəm. Həyat yoldaşımın ayağı iflicdir, özünü gücbəla ilə idarə edə bilir, üzərimdə 8- nəfər ailə üzvü var. İşsizlik həyatı yaşadığımdan ailə vəziyyətimiz olduqca ağırdır.

Odur ki, ailə vəziyyətimi nəzərə alaraq məni işlə təyin olunmağıma köməklik göstərməyinizi Sizdən xahiş edirik".шаблоны для dle 11.2