“Azərbaycanın diplomatik nümayəndəliklərinin Kiyevdə nə zaman bərpa ediləcəyi ilə bağlı dəqiq məlumatım yoxdur, lakin doğrudur ki, bir sıra dövlətlərə məxsus səfirliklər, hətta bəzi beynəlxalq missiyalar Kiyevdə fəaliyyətini bərpa edir. Amma bu, o demək deyil ki, Ukraynada tam rahat formada işləmək mümkün olacaq. Nəzərə almaq lazımdır ki, Rusiya-Ukrayna müharibəsinin gedişatına proqnoz vermək olmur”.
Mediatv.az xəbər verir ki, bunu Pravda.az-a açıqlamasında Azərbaycan-Ukrayna parlamentlərarası əlaqələr üzrə işçi qrupun rəhbəri Rüfət Quliyev deyib.
Deputat qeyd edib ki, müharibənin bundan sonrakı mərhələdə hansı şəhərlərdə aparılacağı məlum deyil: “Amma əgər beynəlxalq missiyalar da Kiyevə qayıdıbsa, deməli, Azərbaycan diplomatik nümayəndəliklərinin də qayıtmasına ehtiyac var. Çünki Ukraynanın bir sıra şəhərlərini, eləcə də Kiyevi tərk edə bilməyən azərbaycanlılar mövcuddur. Onlara xüsusilə sənədləşmə məsələsində kömək lazımdır, lakin yenə də təhlükəsizlik hər şeydən üstündür. Onu da qeyd edim ki, Azərbaycan diplomatik nümayəndəliklərinin fəaliyyətinin bərpası ilə bağlı qərarı Xarici İşlər Nazirliyi verir. Yəni, istənilən halda, nazirliyin qərarını gözləmək lazımdır”.шаблоны для dle 11.2