Millət vəkili Zahid Oruc parlamentin bugünkü iclasında casusluq fəaliyyəti ilə məşğul olan insanlardan danışıb. 

“Mediatv.az” xəbər verir ki, millət vəkili bildirib ki, Eynulla Fətulllayev yazısında Azadlıq radiosunun əməkdaşını casusluqda ittiham edib: 

 “Bizə aydındır ki, başqa ad altında kəşfiyyat məqsədilə gələnlər hakimiyyətə təzyiq edir. O, bundan öncə də bir araşdırmasında NDİ nümayəndəsi Aleks Qriqoryevsi facebook vasitəsilə inqilab etməkdə ittiham etmişdi. Səfirliklər və müxtəlif dövrlərdə maraqları toqquşan dövlətlərdən  Azərbaycana təzyiq müdaxilələri istənilir. Hökumət əleyhinə kəskin mövqe tələb olunur. Maqnitski qanunun işə keçməsi ilə müxtəlif məmurlarımıza təzyiq edirlər. Səfirliklər Azərbaycanın maraqları uğrunda mübarizə aparmalıdırlar”.

Spiker Oqtay Əsədov qeyd edib ki, onları bilmək üçün çox böyük iş etmək lazım deyil:

"Elə gündəlik qəzetləri oxuyun. O tip yazılara kim cavab verir görəcəksiniz .  Amerika səfirliyinin Azərbaycandakı bir nümayəndəsi də buna oxşar fəaliyyətlə məşğul olurdu. Sonra Amerikaya getdi. Adını "lady" qoydular. Biz bu təsirlərə qarşı həmişə həssasıq".