Türkiyə Böyük Milət Məclisinin (TBMM) plenar iclasında millət vəkilləri arasında dava düşüb.

AzVision.az türk mətbuatına istinadən xəbər verir ki, dava Hakimlər və Prokurorlar Ali Şurası (HSYK) barədə qanun layihəsi müzakirə zamanı baş verib.

Cümhuriyyət Xalq Partiyasının (CHP) sədr müavini Bülent Tezcanın tribunadan hakimiyyəti korrupsiyada ittiham etməsi qarşı tərəfin etirazına səbəb olub. Vitse-spiker ona xəbərdarlıq etməsə də CHP-li deputat buna məhəl qoymayıb. Bu vaxt AKP-dən olan millət vəkili Bayram Özçelik kürsüyə çıxararaq Tezcanla əlbəyaxa olub. 

AKP-Lİ deputat Tezcana yumruq zərbələri endirib. Bundan sonra millət vəkilləri də davaya qarışıb. Dava zamanı CHP millət vəkili Əli İhsan Köktürkün burnu sınıb. O təcili yardımla xəstəxanaya aparılıb.