Uzun müddətdir, İsmayıllı rayonunda bir manyak rayon sakinlərini həyəcanda saxlayır.

Mediatv.az-ın rayon sakinlərindən aldığı məlumata görə, artıq bir ildir ki, gecələr onların həyətlərinə kimsə girir.

Həyətlərə girən şəxs paltar ipindən asılan qadın alt paltarlarını oğurlayırlar.

Sakinlərin bildirib ki, qadın alt paltarlarını oğurlayan manyakın boyu təxmini iki metrə yaxındır və üzərində deşici alət daşıyır.

Vətəndaşlar bu hadisənin intensiv artdığından polisə müraciət ediblər.

Daxili İşlər Nazirliyinin Şəki Regional qrupundan Oxu.Az-a verilən məlumata görə, həmin hadisə ilə bağlı İsmayıllı Rayon Polis Şöbəsinə müraciət daxil olub:

“Bildirilib ki, hadisə rayonunun İsmayıllı kəndində baş verib. Məsələ ilə bağlı  rayon Polis Şöbəsinin əməkdaşları tərəfindən araşdırma aparılır. Hadisənin necə baş verdiyi aparılan araşdırmanın yekununda bəlli olacaq”.