Azərbaycanın “Eurovision-2016” mahnı müsabiqəsində təmsilçisi Səmra Rəhimli Avropanın nüfuzlu yarışmasının finalına vəsiqə qazanıb.

Mediatv.az xəbər verir ki, Səmra Rəhimli Amir Ali, Jeyk Erikson, Henrik Vikstromun müəllifi olduqları “Miracle” mahnısını ifa edib.



Səhnə tərtibatının müəllifi Royn Söderluntdur. O, həmçinin Azərbaycanın 2009-cu ildəki səhnə tərtibatının da rejissoru olub. 

Mahnının bəstəkarı Amir Ali “Eurovision”da iştirak edən Aleksandr Ribak, yunanıstanlı Helena Paparizu və digərlərinə qələbə qazandıran musiqilərin də müəllifidir.



Həzin səsi, gözəl ifa tərzi ilə seçilən Səmra Rəhimli “Eurovision-2016” mahnı müsabiqəsinin favoritlərindən hesab olunur.