Ukraynanın Xarkov şəhərində yerləşən bir restoranın çıxışında avtomat silahla bir qrup şəxs güllənənib, nəticədə Azərbaycan vətəndaşı həlak olub.

Mediatv.az  xəbər verir ki, bu barədə Xarkov vilayətinin polis idarəsi məlumat verib.

Saat 23:00 radələrində Lev Landau prospektinin və Nyuton küçəsinin kəsişməsində baş verən atışma barəsində polisə məlumat daxil olub. Vaxtında aparılan baxışdan sonra müəyyən edilib ki, restoranların birində bir qrup şəxs istirahət edirmiş.

Onlar əyləncə mərkəzindən çıxarkən, gözlənilmədən bir neçə naməlum şəxsin hücumuna mərruz qalıblar. Qafqazlılara odlu silahdan atəş açılıb.

“Hadisə nəticəsində 32 və 38 yaşlarında iki kişi güllə yarası alıb, təcili və təxirəsalınmaz tibbi yardım vasitəsilə Xarkov şəhər xəstəxanasına çatdırılıblar. Tibb işçiləri zərərçəkmiş şəxslərdən birinin ölümünü təsdiq ediblər”, - məlumatda deyilir.

Hücum çəkmiş şəxslər hadisə yerindən qaçıblar.

Polis şəhərdə əməliyyat keçirir. 

“Qəsdən adamöldürmə” maddəsilə cinayət işi açılıb.

Polis şöbəsindən bildirirlər ki, “Toyota” markalı avtomobil zədələnib. Ukrayna Cinayət Məcəlləsinin “qəsdən adam öldürmə” maddəsinin 15 ilədək azadlıqdan məhrumetmə sanksiyasını nəzərdə tutan cinayət işi açılıb.

Yerli KİV-lərin verdiyi məlumata görə, atışma nəticəsində Azərbaycan vətəndaşı həlak olub, Gürcüstan vətəndaşı isə yaralanıb.