“Twitter”də Fransa Prezidenti Fransua Ollandın pasportunun sürəti yayımlanıb. 

“Mediatv.az” musavat.com-a istinadən xəbər verir ki, nəticədə prezident sosial şəbəkədə gülüş hədəfinə çevrilib. Ümimiyyətlə, Fransua Olland Fransa tarixində ən qeyri-populyar lider hesab olunur. Güman edilir ki, onun pasportunun sürəti İraq səfəri zamanı kənara ötürülüb. İraq parlamenti bu “sızma” ilə bağlı araşdırmalar aparılmasını tələb edir. 

Qeyd olunur ki, cümə günü Fransa prezidenti İraqda olub və yeni hökumətin formalaşmasına dəstək nümayiş etdirib. 

“Twitter”də  isə Fransua Ollandın pasportunun iki vərəqinin sürəti verilib. Həmin vərqlərdəki məlumatdan bəlli olub ki, Fransua Ollandın boyu 170 sm.dır. Onun boyu ilə bağlı ironik qeydlər “Twitter”də   xüsusən çox olub. 

“Al-Arabiya” tele-kanalının məlumatına görə İraq parlamentinin üzvü Hanan əl-Fatlavi də bu faktla bağlı araşdırma aparılmasının zəruri olduğunu bildirib. O, qeyd edib ki, bu informasiyanı kənara ötürənlər həbs olunmalıdır.