Redaksiyamızın elektron ünvanına maraqlı məlumat daxil olub. 

Belə ki, ötən il Xocalı soyqırımı ərəfəsində Azərbaycan məscidlərinin birində Həzrəti Mehdinin əsgərləri arasında ermənilərin də olacağına dair söhbət aparılıb.

Bu barədə Dini Qurumlarla İş Üzrə Dövlət Komitəsinə müraciət edən vətəndaşlar isə ikinci bir şok ilə qarşılaşıblar. Belə ki, komitənin o zamankı sədri Elşad İskəndərov şiə mənbələrində belə bir hədisin mövcud olduğunu deyərək, Hacı Fazilə haqq qazandırıb.

Buna etiraz edənləri ciddi şəkildə cəzalandıran sabiq sədr Xocalı soyqırımı ərəfəsində bu hədisin ortaya çıxmasında da problem görməyib. Hətta bu barədə yazılmış şikayətləri rəsmi qeydiyyatdan sildirərək, arxivə düşməsini əngəlləyib.

Qeyd edək ki, Hacı Fazil İmani İrana simpatiyası ilə seçilən məscid axundlarından biridir. İranın Qum, Məşhəd şəhərlərinə Azərbaycan gənclərinin göndərilməsində mühüm rol oynayan axund Şeyxi qəbul etməyən şəxslərlə də münasibətini pozmur.

Yazıda adı çəkilən şəxslərin mövqeyini dərc etməyə hazırıq.