Bəzi müşahidəçilər hesab edir ki, Azərbaycanın bu məsələdə Rusiyaya qarşı çıxış etməməsi düzgün seçim deyil. Məsələ ilə bağlı Milli Məclisin AŞ PA-dakı nümayəndə heyətinin üzvü, deputat Aydın Abbasovla danışdıq. Aydın Abbasov “Yeni Müsavat”ın digər məsələlərlə bağlı suallarını da cavablandırdı.

- Bir müddət öncə Rusiyadan bəzi şəxslərin təhdidləri səslənmişdi ki, Azərbaycanın BMT Baş Assambleyasında Ukraynanın ərazi bütövlüyünə səs verməsi cavabsız qalmayacaq. Bunu nəzərdə tuturam...

- Hansısa bir fərdi fikrə münasibət bildirmək yəqin ki, düzgün olmaz. Rəsmi mövqe olsaydı, nəsə demək olardı. Min adam min söz deyə bilər. Hər halda ortada Azərbaycan nümayəndə heyəti rəhbərinin çıxışı, səsvermənin nəticələri var.

- Biz deyirik ki, Azərbaycan Ermənistan tərəfindən təcavüzə məruz qalıb, 20 faiz torpağı işğal altındadır. Bu mənada AŞ PA-dan çıxarılası, səsi dondurulası birinci nümayəndə heyəti, ölkə varsa, o da Ermənistandır. İlk növbədə Ermənistan bu qurumdan çıxarılmalıdır, ondan sonra Büro, ya Assambleya digər ölkələrlə bağlı qərar qəbul etməlidir. Təcavüzkar ölkə bir tərəfdə qalıb, Ermənistan Azərbaycan torpağını işğal edib... Biz Azərbaycan nümayəndə heyəti olaraq torpaqlarımızın geri qaytarılmasını, ədalətin bərqərar olmasını, Azərbaycana qarşı ikili standartın artıq sona yetməsini istəyirik, vəssalam. Buna da çalışacağıq, fikirlərimiz də daim bununla bağlı olur, Assambleyada da səsləndirəcəyik. Əgər bilirsinizsə, nümayəndə heyətinin rəhbəri öz fikirlərini çox yüksək səviyyədə bildirdi, çox konstruktiv, düzgün mövqe ortaya qoydu. İlk növbədə Ermənistanın nə qədər ədalətsiz dövlət olduğu və Azərbaycana qarşı ikili standartların tətbiq olunması haqda fikirlərini bəyan etdi.

- Azərbaycan 14 ildir Avropa Şurasının üzvüdür və torpaqları 20 ildən artıqdır işğal altındadır. Düzdür, Azərbaycanla bağlı qətnamələr, 2005-ci ilin qərarı var. Amma bu gün belə qərarlar, qətnamələr icraya yönəldilmirsə, deməli, Azərbaycana qarşı ikili standartlar var. Bütövlükdə qurumdan söhbət getmir. Əlbəttə ki, burada Azərbaycana qarşı müxtəlif ölkələr iş də aparır. Amma reallıq odur ki, Azərbaycan ərazi bütövlüyünün bərpası istiqamətində hər zaman öz prinsipial mövqeyini davam etdirir.

- Azərbaycan Rusiyaya necə təcavüz edə bilər? Məndə belə bir məlumat yoxdur, hardansa oxumamışam, görməmişəm. Rusiya Azərbaycana niyə hücum etməlidir ki, bunu başa düşə bilmirəm.

- Biz Rusiyanın müxtəlif şəxslərinin fikirlərini qaldırmaqla niyə onları hörmətə mindirməliyik. Yəqin Jirinovski kimi adamların dediklərini nəzərdə tutursan.

- Onun fikrini o vaxt rəsmi saymaq olar ki, dövlətin mövqeyini, fikrini əks etdirsin. Fərdlərin fikirləri Rusiya dövlətinin rəsmi mövqeyi kimi hesab oluna bilməz.

- Bu məsələni azerros.ru saytından davamlı olaraq izləyə bilərsiniz. Orda bütün xəbərlər gündəlik verilir. Məhkəməyə də veriləcək, o tərəfə də keçiləcək. Jirinovski mütləq şəkildə Azərbaycan xalqından üzr istəməlidir.

- Mən belə qeyri-ciddi məsələlərə, kiminsə uydurmalarına şərh vermirəm.

- Abbas müəllim nə vaxt gələcəksə, biləcəksiniz.

- Xəbəri oxudum, bu barədə yazmışdılar. Mən ancaq “Borjomi”ni içməyi sevirəm. Mən alverçi deyiləm ki, “Borjomi” satım. Mən Milli Məclisin deputatıyam və “Borjomi”yə də heç bir aidiyyətim yoxdur. Dediyim kimi, bu suyu içməyə xoşlayıram. Amma “Sirab” ondan da dadlıdır və “Sirab” da içirəm...