Türkiyə prezidenti Rəcəb Tayyib Ərdoğan sabah Somaliyə gedir. 

“Mediatv.az” Anadolu Agentliyinə istinadən xəbər verir ki, onun səfəri ərəfəsində Somalinin paytaxtı Moqadişidə Türkiyə nümayəndə heyətinin görüşü keçirilən hotelin yaxınlığında baş verən terror aktına baxmayaraq Ərdoğan səfəri təxirə salmayıb. 

Prezident baş vermiş terrora münasibətini belə bildirib:

“”İslam adı altında edirik” deyirlərsə bizim dində belə bir şey yoxdur! İslamda “get öldür” deyə bir deyim yoxdur”.

Ərdoğanın Somaliyə səfəri orada tikilmiş xəstəxananın açılışı ilə bağlıdır. 

Qeyd edək ki, Türkiyə nümayəndə heyətinin görüşdüyü hotelin yaxınlığındakı partlayış avtomobildə törədilib. Nəticədə 5 nəfər ölüb. Nümayəndə heyəti üzvlərinin yaralanmadığı bildirilir.