"Gələcəkdə yüksək qiymətlərdən sonra böhranlar da baş verəcək və bu qaçılmazdır".

Bunu iqtisadiyyat naziri Mikayıl Cabbarov bildirib. Onun sözlərinə görə, nə vaxt baş verəcəyini bilməsək də, buna hazır olmalıyıq.

“Öz planlamalarımızı da buna görə hazırlayırıq. Aşağı qiymətlər də olacaq. Bu və ya digər məhsulun, malın qiymətinin aşağı düşməsi də müşahidə olunacaq. Vacib olan odur ki, biz istər müsbət konyukturada, istərsə də mənfi konyukturada öz sabitliyimizi, dayanıqlığımızı saxlayaq", - M.Cabbarov qeyd edib.

Qeyd edək ki, yüksək qiymətlər hazırda ən çox şikayət olunan məqamlardandır. Mövcud bahalığın qarşısının alınması üçün ciddi tədbirlər həyata keçirilmir.

Yüksək bazar qiymətləri şəraitində gələcəkdə baş verəcək böhranın qarşısı necə alınacaq?Mediatv.az-ın məlumatına görə, iqtisadçı-ekspert Razi Abbasbəyli Cebhe.info-ya bildirdi ki, əslində bu, gec verilmiş açıqlamadır:

“Çünki böhran artıq çoxdan başlayıb. Azərbaycan 1 ildir ki, bu böhranı yaşamaqdadır. Bahalaşma, manatın dəyər itirməsi, gəlirlərin iki dəfəyədək azalması ölkədə böhranın çoxdan başladığını göstərməkdədir. Qarşıda hansı böhranın baş verəcəyini proqnozlaşdırmaq elə də çətin deyil. Çünki böhran getikcə dərinləşir. Pandemiya dövründə xüsusilə də sahibkarlıq kimi ağır travma almış sektorlar var. Azərbaycanda dəfələrlə müraciət edilib ki, yeni bərpa, reavnimativ tədbirlər görülməlidir. Maliyyə dəstək tədbirləri həyata keçiriməlidir. Çünki pandemiyadan çıxmış və ağır taravma almış sektorlara dəstək olmaq lazımdır. Aşağı kredit faizləri tətbiq olunmalıdır”.

Ekspertin fikrincə, hökumət ya etiraf etsin ki, böhran 1 ildir başlayıb və biz indi xəbər tutmuşuq, ya da desinlər bu gün başlayıb:

“Nə vaxt başlayacağını bilmədiyimiz bir böhranla bağlı hər hansı tədbirin görülməsi haqqında danışmaq məntiqli deyil”.шаблоны для dle 11.2