Rusiya cari ilin sentyabr ayına qədər Azərbaycan iqtisadiyyatına dörd milyard dollar sərmayə yatırıb.

Mediatv.az-ın  xəbərinə görə, bu barədə Azərbaycan iqtisadiyyat naziri Şahin Mustafayev bəyan edib.

“Moskva Azərbaycanın neft məhsullarının ixrac və idxalında əsas tərəfdaşıdır. Azərbaycan Rusiya iqtisadiyyatına bir milyard dollar, Rusiya isə Azərbaycanda layihələrə dörd milyard dollar sərmayə yatırıb”, - Şahin Mustafayev doqquzuncu Azərbaycan-Rusiya regionlararası forumunda çıxışı zamanı deyib.

Nazir qeyd edib ki, Azərbaycan ərazisində Rusiya kapitalı ilə 70 şirkət fəaliyyət göstərir. Onun sözlərinə əsasən, Azərbaycan gələcəkdə energetika, turizm və kənd təsərrüfatı səhalərində Rusiya ilə münasibətlərin genişləndirilməsində maraqlıdır.

“Biz əlaqələrimiz bundan sonra da inkişaf etdirməyə hazırıq”, - Ş.Mustafayev əlavə edib.