Milli.Az EL TV-yə istinadən xəbər verir ki, sentyabrın 13-də start götürən yarışlarda cüdo və güləş idman növləri üzrə 24 ölkədən 217 idmançı mübarizə aparıb. Yarışlarda ölkəmizi 5 idmançı təmsil edib. Onlardan 3-cü Yevlax Şəhər İdman Məktəbinin yetirmələridir. Yarışda iştirak edən yevlaxlı cüdoçulardan 60 kiloqramda Müşfiq İsmayılov dünya kubokunu ikinci pillədə başa vurub. 

Turnirdə 90 kiloqramda Aslan Mirzəyev 4-cü, 70 kiloqramda Elşad Adıgözəlzadə 5-ci olub. Türkiyədə əldə olunan nəticəni müsbət qiymətləndirən Yevlax Şəhər İdman Məktəbinin cüdo bölməsinin baş məşqçisi Naib Balaşov hazırda Azərbaycan çempionatına hazırlaşdıqlarını bildirir. 

Qeyd edək ki, Azərbaycan birinciliyində iştirak edəcək yevlaxlı cüdoçular təlim məşq toplantısında iştirak edirlər. Həftə ərzində 3 dəfə məşq edən idmançılar ölkə birinciliyində uğur qazanmaq niyyətindədirlər.