Gənc futbolçu Neymar "A" qrupu qarşılaşması olan Kamerun və Braziliya görüşündə vurduğu qollarla ölkə tarixindəki bombardirlər siyahısında irəliləyib. 

Çıxdığı 52 matçda 35 qol vuran Neymar, Pele (72), Ziko (66), Ronaldo (62), Romario (55), Bebetodan (39) sonra ölkə tarixinin ən çox qol vuran 6-cı futbolçusu olub. Neymar, beləliklə atdığı qollarla keçmiş "Barselona"lı ulduz Rivaldonu da geridə qoyub.

Qollarının sayını 35-ə çatdıran gənc sambaçı, həmçinin bu çempionatda vurduğu 4 qolla 3 qol vuran Robin van Persi (Hollandiya), Enner Valensiya (Ekvador), Aryen Robben (Hollandiya), Tomas Müller (Almaniya) və Kərim Benzemanı (Fransa) da qabaqlayıb.(ans)