Azərbaycan Premyer Liqasında XXVIII turun oyunları keçiriləcək

Ana səhifə Bizimlə əlaqə

Dövlətdən "oğurlanan" milyonlar və məmur oğlunun dəbdəbəli toyu

İlham Məmmədovun “vahid pəncərə” sistemindən kimlər nələr qazanır?

«Şərqi Zəngəzur»da tenderləri kimlər udur?

GƏNCƏ DÖVLƏT UNİVERSİTETİNDƏ ÖZBAŞINALIQLAR BİTMƏK BİLMİR

Ramin Abdullayevlə tender şirkətləri arasında pul davası

6 Saylı Ekologiya idarəsinin ərazilərində ekoloji terror davam edir

Cavanşir Feyziyev Londonda itirdiyini Gürcüstanda qazanır

“Tenderlərə nəzarət edən qurumun qanunundan xəbəri yoxdur” – Ekspert

Deputatın tikdiyi binanın əyilməsi ilə bağlı XƏBƏRDARLIQ

İdman (3-04-2016, 11:14)
Azərbaycan Premyer Liqasında XXVIII turun oyunları keçiriləcək

Azərbaycan Premyer Liqasında XXVIII turun oyunları keçiriləcək

Bu gün futbol üzrə Azərbaycan Premyer Liqasında XXVIII turun oyunları keçiriləcək.

Mediatv.az-ın "Report"a istinadən məlumatına görə, turun bütün görüşləri bir gündə baş tutacaq.

Tura Şüvəlanda start veriləcək. AZAL doğma meydanda Gəncənin "Kəpəz" klubunu qəbul edəcək. Avropa avrokuboklara vəsiqə qazanmaq üçün mübarizə aparan Şahin Diniyevin rəhbərlik etdiyi komanda yola inamla davam etmək üçün səfərdən 3 xalla dönməyə çalışacaq. UEFA-nın "İnter"ə tətbiq etdiyi avrokuboklardan 1 illik diskvalifikasiya cəzasından sonra demək olar ki, AZAL-ın da yolu açılıb. Tərlan Əhmədovun komandası evdə xal itirməyəcəyi təqdirdə ən yaxın izləyicisi "Neftçi"ni 4 xal qabaqlayacaq. Cütülüyün qarşılaşmasında son 4 matçda qonaq komandalar qələbə qazana bilməyib. Komandalar bugünədək ölkə çempionatında 15 dəfə üz-üzə gəlib. Bunların 9-u AZAL-ın, 3-ü isə "Kəpəz"in qələbəsi ilə yekunlaşıb. Qalan 3 oyunda bərabərlik qeydə alınıb.

Cari mövsümdə istədiyi nəticəni qazana bilməyən "Xəzər Lənkəran" isə turnir cədvəlinin vahid lideri "Qarabağ"la qaşrılaşacaq. Oyunun nətivəsindən asılı olmayaraq komandaların mövqelərində heç bir dəyişiklik olmayacaq. Buna baxmayaraq "Qarabağ" liderlik pilləsində möhkəmlənmək, "Xəzər Lənkəran" isə uğursuz çıxışlara son qoymağa çalışacaq. Komandalar bugünədək 35 dəfə üz-üzə gəlib. 12 dəfə "Xəzər Lənkəran" qələbəyə sevinibsə, 18 dəfə "Qarabağ" 3 xal qazanıb. 5 oyun isə heç-heçə başa çatıb. Ağdam klubu “Xəzər Lənkəran”la ardıcıl 3 oyunda qapısının toxunulmazlığını qoruyub. "Qarabağ" son 8 oyunda meydanı qolsuz tərk etməyib və "Xəzər Lənkəran" 7 görüşdür qalib gəlmir.

Son turda "Kəpəz"ə səfərdə məğlub olan "Zirə" isə 8-ci pillədə qərarlaşan "Sumqayıt"ı sınağa çəkəcək. Meydan sahibləri öz mövqeyini qorumaq üçün bu görüşdə xal itirməməlidir. "Zirə" məğlub olarsa və digər görüşdə "Kəpəz" qələbə qazanarsa, tərəflər arasındakı xal fərqi 2-yə enəcək. Bu isə Adil mahmudovun komandasına mövqe baxımından təhlükə yaradacaq. "Sumqayıt" isə səfərdən xalla dönəcəyi təqdirdə, öz mövqeyində qalacaq. Buna baxmayaraq komanda ən yaxın qonşusu "Neftçi"yə yaxınlaşacaq. Tərəflər cəmi 3 dəfə üz-üzə gəlibsə, bunların 2-də "Zirə" qələbə qazanıb və bir oyunda komandalar hərəyə bir xalla kifayətlənməli olublar.

Növbəti görüş "Rəvan" və "Neftçi" komandaları arasında keçiriləcək. Autsayder pilləsindən xilas olmağa çalışan "Rəvan" 3 xal əldə edərsə, "Xəzər Lənkəran"la xal fərqini 3-ə endirəcək. Avrokuboklar üçün mübarizə aparan "Neftçi"yə isə qələbə hava və su kimi lazımdır. "Ağ-qaralar" 3 xalla bir pillə yüksələ bilər. Bunun üçün AZAL "Kəpəz"lə oyunda mütləq xal itirməlidir. Bugünədək keçirilən 11 oyunun 2-də "Rəvan", 8-də isə "Neftçi" qalib gəlib. Bir oyunda komandalar sülhlə ayrılıb.

Turun sonuncu - mərkəzi görüşündə isə "Qəbələ" doğma azarkeşlər önündə "İnter"i sınağa çəkəcək. "Bankirlər" UEFA-nın qərarından sonra cari mövsümdə yalnız Premyer Liqa medalları uğrunda mübarizə aparacaqsa, "qırmızı-qaralar" avrokubok iddiasını davam etdirir. "Qəbələ" qalib gələrsə, turnir cədvəlində qonşusu olan paytaxt klubu ilə xal fərqini bərabərləşdirəcək. "İnter" səfərdə qələbə qazanarsa, "Kəpəz"in AZAL-la oyunda xal itirməsi şərtilə 3-cülüyü ələ keçirəcək. Bugünədək keçirilmiş 31 oyunun 7-də "Qəbələ", 14-də isə "İnter" qalib gəlib. 10 oyunda bərabərlik olub.

3 aprel (bazar)

15:00. AZAL – "Kəpəz"

Hakimlər: Fariz Yusifov, Vaqif Musayev, Knyaz Əmiraslanov, Ramil Əhmədov

AFFA nümayəndəsi: Abbas Hüseynov

Hakim-inspektor: Kərim Ağayev

"AZAL Arena"

16:00. "Xəzər Lənkəran" – "Qarabağ"

Hakimlər: Ramil Diniyev, Nahid Əliyev, Vüsal Qənbərov, Fərid Məmmədov

AFFA nümayəndəsi: Arif Fərəcov

Hakim-inspektor: Fazil Mürşüdov

"Xəzər Lənkəran” mərkəzi stadionu

16:00. "Zirə" – "Sumqayıt"