Cüdoçularımız demək olar ki, hər  yarışda olduğu kimi bu dəfə də fiaskoya uğrayıblar. Qazaxıstanın paytaxtı Astanada cüdoçular arasında keçirilən dünya çempionatı millimiz üçün uğursuzluqla başa çatıb.

Publika.az xəbər verir ki, çempionatın son günündə tatamiyə çıxan Azərbaycan yığmasının iki üzvü də ümidləri doğrultmayıb. 100 kq çəki dərəcəsində qüvvəsini sınayan Elmar Qasımovla Elxan Məmmədov medal həsrətində olan millimizin uğursuzluğuna son qoymağa çalışsalar da, bunu bacarmayıblar. Onların hər ikisi 1/8 finalda dünya çempionatı ilə vidalaşıblar.

Qeyd edək ki, yarışın əvvəlki günlərində Nicat Şıxəlizadə, Hidayət Heydərov (hər ikisi 66 kq), Hüseyn Rəhimli (73 kq) və Məmmədəli Mehdiyev (90 kq) məğlubiyyətə üzülmüşdülər.