21 yaşadək futbolçular arasında AVRO-2017-nin seçmə mərhələsində Azərbaycan millisinin rəqibi olan Rusiya yığmasının baş məşqçisi müəyyənləşib. Bu vəzifəyə Dmitri Xomuxa təyin olunub. 

O, bu postda Nikolay Pisarevi əvəzləyib. Yeni çalışdırıcı ilə AVRO-2017-nin seçmə mərhələsinin sonunadək müqavilə imzalanıb.
 
Bunadək 1996-cı il təvəllüdlülərdən ibarət Rusiya millisinə başçılıq edən 45 yaşlı mütəxəssis 2013-cü ildə ölkəsinin U-17 yığması ilə Avropa çempionu, bu il isə U-19-la qitə çempionatının gümüş medalını əldə edib.
 
Qeyd edək ki, Azərbaycan və Rusiya millilərinin yer aldığı seçmə qrupda Almaniya, Avstriya, Finlandiya və Farer adaları da mübarizə aparır.