90 kq çəki dərəcəsində Azərbaycanı təmsil edən Kənan Qasımov yarımfinala çıxıb. Lent.az-ın məlumatına görə, o, mübarizəyə 1/4 finaldan başlayıb. Kənan Qasımov ilk döyüşünündə ukraynalı İvan Vasilçuka 2-1 hesabı ilə qalib gələrək yarımfinala vəsiqə qazanıb.

**

10:29

Bu gün samboçuların mübarizəsinə start verilir. Mediatv.az-ın məlumatına görə, 57 kq çəki dərəcəsində Azərbaycanı təmsil edən İslam Qasımov 1/4 final mərhələsində mübarizəyə başlayır. O, bu mərhələdə ruminiyalı Orlando Qruia ilə üz-üzə gələcək.

74 kq çəki dərəcəsində millimizi təmsil edən  Amil Qasımov da 1/4 finalda mübarizəyə qoşulacaq. O, bu mərhələdə sloveniyalı Tadey Cutuk  – gürcüstanlı Kaxa Mamulaşvili qarşılaşmasının  qalibi ilə gücünü sınayacaq.

90 kq çəki dərəcəsində Kənan Qasımov  mübarizəyə 1/4 finaldan başlayacaq. O, ilk döyüşünü ukraynalı İvan Vasilçuku qarşı keçirəcək.

+100 kq çəki dərəcəsində ölkəmizi Vasif Səfərbəyov təmsil edir. O, da yarışa 1/4 finaldan başlayacaq. V. Səfərbəyov bu mərhələdə makedoniyalı Bayro Maşoviçlə qarşılaşacaq.

Qadınların yarışında 52 kq çəki dərəcəsində Azərbaycanı Nəzakət Xəlilova təmsil edəcək. O, ilk mübarizəyə 1/4 finaldan başlayacaq. Nəzakət Xəlilova ilk görüşündə ruminiyalı Sodriana İonesku sınağa çəkəcək..

60 kq çəki dərəcəsində  Şəhanə Hüseynova 1/4 final mərhələsindən mübarizəyə qoşulacaq.. O, rusiyalı Yana Kostenko  - gürcüstanlı  Şorena Şaradze qarşılaşmasının qalibi ilə üz-üzə gələcək.

64 kq çəki dərəsində Fəridə Qurbanova  1/4 final mərhələsində  Yekaterina Sretu ilə qarşılaşacaq.

 68 kq çəki dərəcəsində Nərminə Əlizadə 1/4 final mərhələsində belaruslu Olqa Namazova üz-üzə gələcək.