64 kq çəki dərəcəsində boksçumuz Kollazo Sotomayor 1/16 finalda sloveniyalı Edin Seydinoviçi məğlub edərək 1/8 finala vəsiqə qazanıb. 

14:09

Avropa çempionu, Olimpiya Oyunlarının bürünc mükafatçısı Teymur Məmmədov "Bakı-2015" ilk Avropa Oyunlarına qələbə ilə başlayıb.

Azərbaycan boksçusu 1/16 final mərhələsində Böyük Britaniya təmsilçisi Coşua Buatsi ilə qarşılaşıb. Görüş Azərbaycan təmsilçisinin 3:0 hesablı qələbəsi ilə yekunlaşıb.

12:35

ATV.az  Bakı-2015-in rəsmi saytına istinadən bildirir ki, Avropa Oyunlarının 7-ci günündə Bakı Kristal Zalında kişilər arasında boks yarışları başlandı.

Bu gün kişilər arasında 60, 64, 69, 75 və 91 kq çəki dərəcələrində onaltıdabir final mərhələsinin oyunları keçiriləcək.  

Bu çəki dərəcələrində Azərbaycan təmsilçilərinin oyun cədvəlini təqdim edirik: 

69 kq-da P.Bağırov, 75 kq-da X.Musalov, 91 kq-da M.Məcidov yarışlara 1/8 final mərhələsindən başlayacaqlar. Onların rəqibləri və oyun vaxtları hələlik bəlli deyil.

60 kq çəki dərəcəsində bu gün döyüşməli olan Albert Səlimov rəqibi iştirak etmədiyindən iyunun 20-də 1/8 finalda yarışacaq. 15:15-də başlanacaq görüşdə onun rəqibi Gürcüstanı təmsil edən erməni Otar Eranosyan olacaq.

64 kq çəki dərəcəsində 1/16 finalda Kollazo Sotomayor 18:15-də Sloveniya təmsilçisi Edin Seydinoviçlə qarşılaşacaq. 

81 kq-da Teymur Məmmədov 1/16 finalda 13:45-də Böyük Britaniya təmsilçisi Coşua Buatsi ilə rinqə çıxacaq. 

İdmançılarımıza uğurlar arzulayırıq!