FİFA-da yaşanan korrupsiya qalmaqalının və bu səbəbdən bir neçə federasiya rəsmisinin həbsinin Rusiya ilə heç bir əlaqəsi yoxdur.

Mediatv.az-ın məlumatına görə, bunu ABŞ-ın Rusiyadakı səfirliyi prezident Vladimir Putinin ittihamlarına cavab olaraq bildirib.

Qeyd edək ki, Putin məlum olayın Rusiyaya qarşı yönəldiyini iddia edir. Putinin fikrincə, məqsəd Rusiyanın Dünya Çempionatına ev sahibliyi ilə bağlı FİFA-nın məlum qərarını ləğv etməkdir.

Səfirlik bildirib ki, həbs edilənlər arasında ruslar yoxdur. Üstəlik FİFA-ya ünvanlanan əsas ittihamlar qurumun Şimali və Cənubi Amerikada keçirilən yarışlara görə rüşvət alması ilə bağlıdır: «Artıq FİFA-nın məmurlarından bir neçəsi təqsirini etiraf edib. Bu təhqiqatın 2018-ci ildə Dünya Çempionatına ev sahibliyi edəcək Rusiyaya heç bir aidiyyəti yoxdur. ABŞ Ədliyyə Nazirliyinin bu hadisələrlə bağlı yaydığı məlumatın heç bir yerində Rusiyanın adı keçmir».

Azadliq.info