“Fənərbaxça”nın prezidenti Əziz Yıldırım qəzəblənib.Mediatv.az-ın “sozcu.com.tr”-yə istinadən məlumatına görə, "Fənərbaxça" prezidenti “Sivasspor”la qarşılaşma zamanı əsəblərini saxlaya bilməyib. Oyunun ilk hissəsini məğlub olan “sarı-lacivərdlilər"in prezidenti fasilə zamanı soyunub-geyinmə otağına girərək "adam kimi oynayın, canımı sıxmayın” deyib. Oyuna görə futbolçulara ağır sözlər işlədən Ə. Yıldırım bu cür futbolun “Fənərbaxça”ya yaraşmadığını dilə gətirib.

Prezident iki oyun qol buraxan Volkan Dəmirələ və kapitan Əmrə Bələzoğluna özlərini düzəltməyi tapşırıb.

Qeyd edək ki, “Sivasspor”la oyunda ilk hissəni “2-1” hesabı ilə məğlub olan “Fənərbaxça” sonda  “2-3” hesabı ilə qalib gəlib.