Braziliya və dünya futbolunun məşhur simalarından olan, keçmiş futbolçu Romario FİFA prezidentii Zepp Blatterin ünvanına ağır ittihamlar səsləndirib. 

 “Mediatv.az” xəbər verir ki, Romario FİFA prezidenti və FİFA-nın  baş katibi Jerom Vlaçkeni əməlli başlı təhqir edib. Buna səbəb isə FİFA-nın baş katibi Jeromun Braziliya barəsində dediyi sözlər olub. 

Baş katibin “Braziliyada keçiriləcək dünya çempionatı FİFA tarixində ən bərbad turnir olacaq”, sözləri Romarionu özündən çıxarıb. Keçmiş futbolçu bu fikrə cavab olaraq olduqca iddialı açıqlama verib. Eks futbolçu öz fikrini belə əsaslandırıb: “Vlaçke deyir ki, Braziliyadakı mundial indiyənə qədər keçirilmiş ən pis turnir olacaq. Ancaq Vlaçke idman dünyasındakı ən məşhur oğrudur. Prezident Blatter də ən böyük oğrudur. Braziliyadakı çempionatdan sonra onlar daha da varlanacaqlar. Blatter və Vlaçke ilə yanaşı, Braziliya dövlət katibi və kabinet nümayəndələri də xəzinələrini daha da zənginləşdirəcəklər”