Bu sözləri Portuqaliya millisinin yarımmüdafiəçisi Tyaqo Mendeş deyib.

İspaniya mətbuatına danışan “Atletiko”nun futbolçusu yığmada komanda yoldaşı Kriştiano Ronaldonun ünvanına tərif yağdırıb.

O, bəzi ölkələrdə Ronaldo ilə şəkil çəkdirmək üçün insanların növbəyə durduqlarını bildirib: “Adlarını çəkdiyim ölkələrin hava limanında insanların Ronaldonu görmək üçün necə ağladıqlarını görürük. O, çox böyük futbolçudur. Şübhəsiz ki, millimizin lideri və ən yaxşısıdır. Meydandan kənarda da gülərüz, zarafatcıl insandır. Ronaldo ilə yaxşı dostluğumuz var”.

Qeyd edək ki, Portuqaliya millisi heyətində Kriştiano Ronaldo olduğu vaxtlarda iki dəfə Azərbaycana səfər edib. “Real”ın “qol maşını” bunların birində meydana çıxıb