İspaniya La Liqasının 8-ci turunda “Real Madrid” öz meydanında “Vilyarreal”ı 3:1 hesabı ilə məğlub edərək turnir cədvəlində liderliyə yüksəlib.

Demokrat.az xəbər verir ki, bu qələbə ilə Madrid təmsilçisi xalını 21-ə çatdıraraq zirvəyə yerləşib, “Vilyarreal” isə 16 xalla yerində qalıb.

Qarşılaşmadan öncə Arda Gülərə xüsusi mükafat təqdim olunub. O, La Liqada sentyabr ayının 23 yaşadək ən yaxşı futbolçusu seçilib. Gənc ulduz “Real Madrid”in start heyətində oyuna başlayıb və 64-cü dəqiqədə yerini Cud Bellinhemə verib.