AFFA İntizam Komitəsi yenidən iclas keçirərək, bəzi klubları cəzalandırıb. 

 “Mediatv.az” affa.az saytına istinadən xəbər verir ki, Topaz Premyer Liqasının XXV turunun “Rəvan” – “Xəzər Lənkəran” matçında “Rəvan” klubunun 7  futbolçusu sarı vərəqə ilə cəzalandığı üçün klub 1000 manat cərimə olunub. 

“Qəbələ” – “Neftçi” matçında “Qəbələ” klubunun  azarkeşləri tərəfindən meydançaya kənar əşyalar atıldığı üçün klub 2000 manat dəyərində cəzalanıb. Bundan başqa, stadionda “Qəbələ” azarkeşləri tərəfindən təhqiredici pankartlar açıldığı üçün klub əlavə 5000 manat da cərimə ödəyəcək.

 AZAL – “Simurq” matçında AZAL klubunun 4  futbolçusu sarı vərəqə ilə cəzalandığı üçün klub 1000 manat cərimələnib. Oyunun 83-cü dəqiqəsində “Simurq”un futbolçusu lkin Qırtımov kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 200 manat ziyana düşüb.