Türkiyə Prezidenti Rəcəb Tayyib Ərdoğan, A Milli Futbol Komandasının UEFA Millətlər Liqası Play-Off mərhələsinin cavab oyununda Macarıstanı səfərdə 3:0 hesabı ilə məğlub edərək ilk dəfə UEFA Millətlər A Liqasında oynamaq hüququ qazanmasından sonra futbolçuları telefonla təbrik edib.
Mediatv.az xəbər verir ki, Prezident Ərdoğan milli komandanın baş məşqçisi Vinçenzo Montella və futbolçuları tarixi qələbə və 90 dəqiqə boyunca göstərdikləri üstün performansa görə təbrik edib. O, UEFA Millətlər A Liqası və 2026 FIFA Dünya Kuboku seçmə mərhələsi üçün komandaya uğurlar arzulayıb. Ay-ulduzlular da göstərilən dəstəyə görə Prezident Ərdoğana təşəkkür ediblər.
Bundan əlavə, Türkiyə gənclər və idman naziri Osman Aşkın Bak və Türkiyə Futbol Federasiyasının prezidenti İbrahim Əthəm Hacıosmanoğlu da qarşılaşmadan sonra komandanın paltardəyişmə otağına gedərək futbolçular və texniki heyətlə görüşüb, onları təbrik edərək gələcək oyunlarda uğurlar arzulayıblar.шаблоны для dle 11.2