"Qarabağ"ın futbolçusu Musa Qurbanlı karyerasını İtaliya A Seriyasında davam etdirə bilər.
Mediatv.az Report-a istinadən xəbər verir ki, 21 yaşlı hücumçu "Torino" klubunun maraq dairəsinə düşüb.
İddiaya görə, gənc forvardı Türkiyə təmsilçiləri də yaxından izləyir. Lakin onun Turin klubuna keçidinin daha inandırıcı olduğu yazılıb. Bildirilib ki, "Torino" Azərbaycan millisinin baş məşqçisi Canni De Byazinin sayəsində Qurbanlının transferində üstünlük qazana bilər.
Həmçinin klubun istedadlı oyunçunu heyətinə cəlb etmək üçün "Qarabağ"ı qane edəcək təklif göndərməli olduğu vurğulanıb.
Qeyd edək ki, Musa Qurbanlının Ağdam təmsilçisi ilə 2026-cı ilin yayınadək müqaviləsi var.шаблоны для dle 11.2